Yemani Adaganu

ఏమని అడగను ఏ వరము నిను కోరను నీ దాసదాసానుదాసుడను, నీ ఎదుట నే మూగను కృష్ణా ఏమని అడగను మొసలి బారి పడి మొరలిడిన గజేంద్రుని బాధలులేవు రక్ష రక్షయని ప్రార్థించుటకు ద్రౌపది దుస్థితి లేదు అటుకులిచ్చి సంపదలు తెమ్మనే అర్థాంగలక్ష్మీ లేనే లేదు ఆ అడగకున్నా అన్నీ యిచ్చే వాడే నా వాడని తెలిసే ఏమని అడగను ఏ వరము నిను కోరను కృష్ణా కృష్ణా కృష్ణా ఏమని అడగను ఆ బంధమే లేని భగవంతుడు నీ అనుబంధానికి బంధితుడు అందరిచేత అడిగించుకునేవాడు నిన్నడుగుతున్నాడు ఆ అంతా నువ్వే అంటాడయ్యా ఆ ఒక్కటేదో అడగవా అమ్మా నీ కృష్ణయ్యా చిన్నప్పుడు మన్ను తిన్నాడని తెలిసి నోరు చూపమంటే తన నోట పదునాలుగు భువనాలను చూపించాడు కదమ్మా అప్పుడు ఆ యశోదమ్మ ఆశ్చర్యంతో నోరు తెరిచి చూసిందే కానీ, నోరు తెరిచి ఏమైనా అడిగిందా తల్లీ ఆ మన్ను తిన్న ఆనోట అన్ని లోకాలను చూసిన యశోదమ్మ ఏవరమడిగిందమ్మా వేణుగానమును విని ఆగోవులు తరించినవిగాని గోవిందుని ఏం కోరాయమ్మా ముక్తికాంతుడగు ముకుందుడే (2) నా యందు నిలిచి ఉన్నాడు, నా పంచప్రాణాలు తులసిదళాలతో అర్చన చేస్తున్నాను ఇంతకన్నా కావలసింది ఇంకేంఉందీ