Yemani Varninchanu

ఏమని వర్ణించను... ఏమని వర్ణించను నీ కంటి వెలుగును వెన్నంటి మనసును వెన్నెల నవ్వును నీ ఇలవేల్పును ఏమని వర్ణించను... చరణం: 1 పైరగాలి లాగా చల్లగా ఉంటాడు తెల్లారి వెలుగులా వెచ్చగా ఉంటాడు పైరగాలి లాగా చల్లగా ఉంటాడు తెల్లారి వెలుగులా వెచ్చగా ఉంటాడు తీర్చిన బొమ్మలా తీరైనవాడు తీర్చిన బొమ్మలా తీరైనవాడు తీరని రుణమేదో తీర్చుకో వచ్చాడు ఏమని వర్ణించను... ఆ...ఆ...ఆ..ఆ... చరణం: 2 రాముడు కాడమ్మా నిందలు నమ్మడు కృష్ణుడు కాడమ్మా సవతులు ఉండరు నువ్వు పూజించు దేవుళ్ళ లోపాలు లేనివాడు నీ పూజ ఫలియించి నీ దేవుడైనాడు ఏమని వర్ణించను... ఆ...ఆ...ఆ..ఆ... చరణం: 3 కళ్ళు లేవని నీకు కలతింకవలదమ్మా తన కళ్ళతో జగతి చూపించగలడమ్మా కళ్ళు లేవని నీకు కలతింకవలదమ్మా తన కళ్ళతో జగతి చూపించగలడమ్మా ఆ దేవుడెదురైతే వేరేమి కోరను ఆ దేవుడెదురైతే వేరేమి కోరను నా అన్న రూపాన్ని చూపితే చాలును ఏమని ఊహించను నా అన్న రూపును నాకున్న వెలుగును వెన్నంటి మనసును నా ఇలవేల్పును ఏమని ఊహించను...